ՑԱՄԱՔԱՅԻՆ ԾՈՎԱՀԵՆՆԵՐ
Ծովահեն բառը լսելիս բոլորը հասկանում են ծովային ավազակներ, ովքեր թափառում են օվկիանոսով մեկ և զավթում են հանդիպած նավերը: Սակայն դարերի ընթացքում գոյություն ունեին մարդիկ, ովքեր իրական վտանգ էին ներկայացնում նավաստիների համար, նույնիսկ այն դեպքում, երբ նրանց ոտքը նույնիսկ մի անգամ չէր դիպել նավի տախտակամածին: Ցամաքային ծովահեններին այդ հնարավորությունը տալիս էր այսպես կոչված ցամաքային կանոնը` նավաբեկյալների անտեր մնացած գույքը գտնողի կամ ափամերձ տարածքի տիրոջ սեփականությունն էր դառնում:
Ոմանց համար նավաբեկությունը ողբերգություն էր,մյուսների համար՝ եկամուտ ստանալու հնարավորություն:
Ամենից առաջ դա վերաբերում էր ծովի ափերին:Ժամանակի ընթացքում այն դարձավ լիարժեք կողոպուտ,որին կարող էր ենթարկվել յուրաքանչյուր նավ, որը գտնվում էր ցամաքին մոտ: Փրկվածներին ծեծի էին ենթարկում ծովափնյա գյուղերում: Իսկ այն մասին, որ մեռյալների մարմինները մերկացնում էին, գրել է դեռ հին հույն մտածող Պլատոնը:
«Ծովը սպանեց ինձ և նետեց ափ, միայն թիկնոց էր ինձ վրա, որը ծածկում էր իմ մերկությունը: Բայց մարդը մեղսական ձեռքով պոկեց այն դիակից, խղճալի շահով իրեն անչափելի մեղքով ծածկելով:» Читать далее →