Մեխերը

Կար մի շատ դյուրագրգիռ և կտրուկ բնավորություն ունեցող երիտասարդ: Մի օր նրա հայրը  տվեց մեխերով լի տոպրակ  և հրամայեց,  որ ամեն անգամ, երբ նա  չզսպիի   իր բարկությունը, մեխ մեխի սյան վրա:

Առաջին օրը փայտին մի քանի տասնյակ մեխեր կային: Հաջորդ շաբաթ նա սովորել էր վերահսկել իր զայրույթը, և յուրաքանչյուր անցնող օր մեխված մեխերի քանակը քչանում էր: Երիտասարդը հասկացավ, որ ավելի հեշտ է կառավարել  բարկությունը, քան մեխել մեխեր:

Վերջապես եկավ այն օրը, երբ նա ոչ մի անգամ չէր կորցրել իր ինքնատիրապետումը : Նա պատմեց այդ ամենի մասին հորը, և հայրը ասաց, որ այդ պահից սկսած՝ ամեն օր, երբ նա կկարողանա զսպել  իրեն, կարող է հանել  պատից մեկական մեխ:

Անցավ Ժամանակ, և եկավ  այն օրը, երբ նա կարող էր հայտնել  հորը, որ պատին այլևս ոչ մի մեխ չկար: Հայրը բռնեց որդու ձեռքը և տարավ սյան մոտ:

— Դու այդքան էլ վատ չես աշխատել, բայց տեսնո՞ւմ ես՝ քանի անցք կա սյան վրա:  Երբ դու  մեկին  չար բան ես ասում, նրա մոտ մնում  է այսպիսի սպի, ինչպես այս անցքերը: Եվ կարևոր չէ, թե քանի անգամ  ներողություն կխնդրես, սպին կմնա:

Նյութի ռուսերեն տարբերակ

Թարգմանությունը՝  Մարինե Ասատրյանի

 

Հետքեր ավազի վրա

Մի անգամ մի մարդ երազ տեսավ. իբր ինքը գնում է ավազե ափով, իսկ իր կողքին  Աստված է: Երկնքում առկայծում էին դրվագներ նրա կյանքից: Դրանցից յուրաքանչյուրից հետո ավազի վրա նա նկատում էր հետքերի երկու շարք՝ մեկը իր ոտքերի, մյուսը՝ Աստծո: Երբ մարդու աչքերի առաջ առկայծեց իր կյանքի վերջին պատկերը, նա  նայեց հետ՝ ավազի վրայի հետքերին: Տեսավ, որ հաճախ իր կյանքի գծի երկայնքով ձգվել էր հետքերի միայն մեկ շարք, և որ դա եղել էր հատկապես իր կյանքի  ամենադժվար և ամենադժբախտ պահերին: Նա խիստ տխրեց և  հարցրեց Աստծուն.

— Դու չէի՞ր ինձ  ասում, եթե հետևեմ քո ճանապարհին, դու չես թողնի ինձ մենակ: Բայց ես նկատեցի, որ իմ կյանքի ամենադժվար պահերին միայն  հետքերի մի շարք է ձգվում ավազի վրա: Ինչո՞ւ ես  ինձ լքել, երբ ես ամենաշատն եմ  քո կարիքը զգացել: Читать далее

Ես չեմ կարող լինել այլ բան, բացի նրանից, ինչ որ եմ

Մի անգամ արքան մտնում է այգի և տեսնում տհաճ հոտ արձակող և մեռնող ծառեր, ծաղիկներ, թփեր: Կաղնին ասում է, որ մեռնում է այն ցավից, որ չի կարող այնքան սլացիկ լինել, ինչքան սոճին:Սոճին ասում է, որ իր մահվան պատճառն այն է, որ ինքը չի տալիս այնպիսի բերք, ինչ տալիս է խաղողի որթը: Իսկ խաղողի որթը մեռնում էր այն վշտից, որ  չի ծաղկում վարդենու պես: Շուտով արքան գտնում է մի բույս, որը ուրախություն էր պարգևում իր ծաղիկներով և թարմությամբ: Հարցուփորձից հետո, արքան ստանում է բույսի հետևյալ պատասխանը:

— Ես այս ամենը ինքնին շնորհ եմ համարում: Չէ՞ որ երբ դու ինձ տնկեցիր, դու ուզում էիր, որ ես ուրախություն պարգևեմ քեզ: Եթե դու կաղնի, խաղող կամ վարդ ուզեիր, դու հենց դրանցից էլ կտնկեիր: Այդ պատճառով էլ ես մտածում եմ, որ ես չեմ կարող լինել այլ բան, բացի նրանից, ինչ որ եմ: Եվ ես աշխատում եմ զարգացնել իմ ունեցած  լավագույն որակները:

Թարգմանությունը՝ Նազելի Տեր-Պետրոսյանի

Թանկաներ, հոքուներ

Կյանքս  հենց  հիմա
Կարող եմ ինչ-որ  մեկի  հետ փոխել…
Միայն  թե  դարձյալ
Անհույս  ու  տրտում  չսպասեմ  դարձիդ,
Ոնց  անցյալ  գիշեր…
                                              Սագամի
Աչքերս  տեսան  ամեն – ամեն ինչ
Բայց  էլի  ձեզ  եմ նայում ,
Ճերմակ  քրիզանթեմներ…
                                                Իսյո
Ամեն  ինչ  լռեց,
Բոլորն  համրացան,
Հեռացող  աշուն…
                                             Իիդա
Մարդիկ,
Ճնշվելով  ջրվեժի  ձայնից,
Կամաց  լռում  են…
Թարգմանությունը ճապոներենից՝ Սամվել Բալախչյանի

Ամերիկայի քաղաքացիությունը

Մի անգլիացի փոխեց քաղաքացիությունը, դարձավ ամերիկացի: Մտահոգ բարեկամները չէին հասկանում նրա որոշումը:

Մի անգամ, մի բաց խոսակցության  ժամանակ նրան հարցրեցին.

— Եվ այնուամենայնիվ, քեզ ի՞նչ տվեց Ամերիկայի անձնագիրը:

Փախստականը պատասխանեց.

— Ի վերջո, ինչ-որ բան այն ինձ տվեց: Հիմա ես կարող եմ ասել, որ հաղթեցի Ամերիկայի հեղափոխության ժամանակ:

Թարգմանությունը՝  Մարինե Ասատրյանի

 

Սպանելու սովորություն

Մի անգամ երեխան գալիս է ծեր հնդիկի մոտ և  հարցնում է.

— Ա՛յ իմաստուն, ասացեք խնդրեմ,  Երկրի վրա ինչու՞ գոյություն ունեն պատերազմներ:

— Որովհետև մարդիկ սովորել են սպանել:

— Իսկ ինչու՞ են մարդիկ   սպանում:

— Երբ մարդը սպանում է միջատին, նրան թվում է, որ ինքն ուժեղ է ուրիշներից: Մտածում է, որ կարող է խլել կյանքը՝ առանց պատժվելու: Իսկ երբ մարդը սպանում է կենդանիներին, նա սկսում է մտածել, որ բոլորից  ուժեղ է, և նշանակում է, որ կարող է ցավ պատճառել նաև մարդկանց:   Մեր նախնիների ավանդույթի համաձայն՝ ինչ-որ ժամանակ երկրագնդի վրա պատերազմներ չեն եղել, քանի որ բոլորը սնվել են բուսակեր դինոզավրերի նման՝ ծառերի պտուղներով կամ կանաչով: Առաջ մարդիկ կարեկցել են ամբողջ կենդանի բնությանը. մարդիկ տեսնում էին Աստծուն  ամեն մասնիկի մեջ, կենդանիները լսում էին մարդկանց և երբեք չէին հարձակվում նրանց վրա: Читать далее

Նյարդային երեխան

Փոքրիկ աղջիկը մայրիկի հետ եկավ ծովի ափ:
—  Մայրի՛կ ,կարո՞ղ եմ  խաղալ ավազի մեջ:
—  Ո՛չ,  թանկագի՛նս, դու կկեղտոտես քո մաքուր շորերը:
—  Մայրի՛կ, կլինի՞ ես վազեմ ջրերի միջով:
—  Ո՛չ, դու կթրջվես և կհիվանդանաս:
—  Մայրի՛կ, կարո՞ղ եմ խաղալ մյուս երեխաների հետ:
—  Ո՛չ, դու կկորես ամբոխի մեջ:
—  Մայրի՛կ, գնի՛ր ինձ համար պաղպաղակ:
—  Ո՛չ, դու կսառեցնես կոկորդդ:

Աղջիկը սկսեց լացե լինել: Մայրը շրջվեց  դեպի ոչ հեռու կանգնած կնոջ կողմը և ասաց.
—  Օ՜հ, աստված իմ:Դուք երբևէ տեսե՞լ եք այսպիսի նյարդային երեխա:

Թարգմանությունը՝  Մարինե Ասատրյանի