Առակներ Օշոյից

 

Մի մարդու նրա  հոգեբանը խորհուրդ տվեց հանգստանալ սարերում: Նա անընդհատ դժգոհում էր մեկ մի բանից, մեկ մի ուրիշ բանից, և միշտ կասկածամիտ հարցեր էր տալիս : Նա միշտ ամեն ինչից անհանգստանում էր,  զգուշանում  և վտանգ  էր տեսնում  իր շրջապատում: Եվ ահա նրան խորհուրդ տվեցին, գնալ հանգստանալու և լիցքաթափվելու:
Հաջորդ օրը հոգեբանը նրանից նամակ ստացավ. «Ես այստեղ ինձ զգում եմ զարմանալիորեն երջանիկ,-գրում էր նա,- տարօրինակ է: Տեսնես՝ հո մի վատ բան չի՞ լինելու»:

Թարգմանությունը՝ Մարինե Ասատրյանի  Читать далее

Реклама

Մեխերը

Կար մի շատ դյուրագրգիռ և կտրուկ բնավորություն ունեցող երիտասարդ: Մի օր նրա հայրը  տվեց մեխերով լի տոպրակ  և հրամայեց,  որ ամեն անգամ, երբ նա  չզսպիի   իր բարկությունը, մեխ մեխի սյան վրա:

Առաջին օրը փայտին մի քանի տասնյակ մեխեր կային: Հաջորդ շաբաթ նա սովորել էր վերահսկել իր զայրույթը, և յուրաքանչյուր անցնող օր մեխված մեխերի քանակը քչանում էր: Երիտասարդը հասկացավ, որ ավելի հեշտ է կառավարել  բարկությունը, քան մեխել մեխեր:

Վերջապես եկավ այն օրը, երբ նա ոչ մի անգամ չէր կորցրել իր ինքնատիրապետումը : Նա պատմեց այդ ամենի մասին հորը, և հայրը ասաց, որ այդ պահից սկսած՝ ամեն օր, երբ նա կկարողանա զսպել  իրեն, կարող է հանել  պատից մեկական մեխ:

Անցավ Ժամանակ, և եկավ  այն օրը, երբ նա կարող էր հայտնել  հորը, որ պատին այլևս ոչ մի մեխ չկար: Հայրը բռնեց որդու ձեռքը և տարավ սյան մոտ:

— Դու այդքան էլ վատ չես աշխատել, բայց տեսնո՞ւմ ես՝ քանի անցք կա սյան վրա:  Երբ դու  մեկին  չար բան ես ասում, նրա մոտ մնում  է այսպիսի սպի, ինչպես այս անցքերը: Եվ կարևոր չէ, թե քանի անգամ  ներողություն կխնդրես, սպին կմնա:

Նյութի ռուսերեն տարբերակ

Թարգմանությունը՝  Մարինե Ասատրյանի

 

Նյարդային երեխան

Փոքրիկ աղջիկը մայրիկի հետ եկավ ծովի ափ:
—  Մայրի՛կ ,կարո՞ղ եմ  խաղալ ավազի մեջ:
—  Ո՛չ,  թանկագի՛նս, դու կկեղտոտես քո մաքուր շորերը:
—  Մայրի՛կ, կլինի՞ ես վազեմ ջրերի միջով:
—  Ո՛չ, դու կթրջվես և կհիվանդանաս:
—  Մայրի՛կ, կարո՞ղ եմ խաղալ մյուս երեխաների հետ:
—  Ո՛չ, դու կկորես ամբոխի մեջ:
—  Մայրի՛կ, գնի՛ր ինձ համար պաղպաղակ:
—  Ո՛չ, դու կսառեցնես կոկորդդ:

Աղջիկը սկսեց լացե լինել: Մայրը շրջվեց  դեպի ոչ հեռու կանգնած կնոջ կողմը և ասաց.
—  Օ՜հ, աստված իմ:Դուք երբևէ տեսե՞լ եք այսպիսի նյարդային երեխա:

Թարգմանությունը՝  Մարինե Ասատրյանի

 

Չուղարկված նամակներ

 

Երկու տարի անց, բաժանումից հետո տղամարդը որոշեց հանդիպել նախկին կնոջ  հետ: Նա հրավիրեց նրան ռեստորան: Նրանք անցկացրեցին անմոռանալի երեկո: Զգացվում էր, որ նրանք կարոտել էին իրար :

Նախքան ռեստորանից դուրս գալը՝ կինը հանեց իր պայուսակից մի հաստ ծրար և մեկնեց ամուսնուն:

-Սա ի՞նչ է,-հարցրեց ամուսինը:

—  Նամակներ են, որ ես գրել եմ քեզ այս երկու տարիների ընթացքում, բայց չեմ ուղարկել իմ համառության պատճառով:

Թարգմանությունը՝ Մարինե Ասատրյանի

Նյութի ռուսերեն տաբերակը

Սարդոստայնը

Քայլում էին երկու ճափորդներ անտառով և զգացին,որ սարդոստայնը դիպչում է իրենց դեմքերին:

Մեկը ձեռքով պոկեց այն և գնաց իր ճամփով, իսկ մյուսը կանգնեց, որպեզի  հայացքով գտնի փայլփլացող հյուսվածքի կենտրոնը:

Թարգմանությունը՝  Մարինե Ասատրյանի

Ծառերի թշնամին

Մի անգամ անտառային ծառերը տեղեկացրեցին իրենց թագավորին, որ ստեղծվել է գործիք իրենց ոչնչացման համար:

— Ի՞նչ է այդ գործիքի անունը,-հարցրեց թագավորը:

-Կացին,-պատասխանեցին ծառերը:

— Ինչի՞ց ե պատրաստված:

— Սուր մասը երկաթից է, իսկ բռնելու մասը՝ փայտից,- հաստատեցին ծառերը:

— Եթե բռնելու մասը պատրաստված է հենց մեզնից, ապա դա շատ վտանգավոր գործիք է,-ասաց թագավորը:

Թարգմանությունը՝  Մարինե Ասատրյանի

Հայտնի լինել…

Էյնշտեյնը մի օր գրեց Չարլի Չապլինին.

— Ձեր <<Ոսկու Տենդ>> ֆիլմը հասկանալի է ամբողջ աշխարհին, և դուք անպայման հայտնի կդառնաք:

Չապլինը պատասխանեց.

— Ես ձեզնով շատ ավելի եմ հիացած: Ձեր հարաբերականության տեսությունը աշխարհում  ոչ մեկին հասկանալի չէ, բայց դուք այնուամենայնիվ հայտնի եք: