Մեխերը

Կար մի շատ դյուրագրգիռ և կտրուկ բնավորություն ունեցող երիտասարդ: Մի օր նրա հայրը  տվեց մեխերով լի տոպրակ  և հրամայեց ,  որ ամեն անգամ, երբ նա  չզսպիի   իր բարկությունը, մեխ մեխի սյան վրա:

Առաջին օրը փայտին մի քանի տասնյակ մեխեր կային: Հաջորդ շաբաթ նա սովորել էր վերահսկել իր զայրույթը, և յուրաքանչյուր անցնող օր մեխված մեխերի քանակը քչանում էր : Երիտասարդը հասկացավ, որ ավելի հեշտ է կառավարել  բարկությունը, քան մեխել մեխեր:

Վերջապես եկավ այն օրը, երբ նա ոչ մի անգամ չէր կորցրել իր ինքնատիրապետումը : Նա պատմեց այդ ամենի մասին հորը և նա ասաց, որ այս պահից սկսած ամեն օր, երբ նա կկարողանա զսպել  իրեն, կարող է հանել  պատից մեկական մեխ:

Անցավ Ժամանակ , և եկավ  այն օրը, երբ նա կարող էր հայտնել  հորը, որ պատին այլևս ոչ մի մեխ չկար, հայրը բռնեց որդու ձեռքը և տարավ սյան մոտ:

— Դու այդքան էլ վատ չես աշխատել, բայց տեսնո՞ւմ ես՝ քանի անցք կա սյան վրա:  Երբ դու  մեկին  չար բան ես ասում , նրա մոտ մնում  է այսպիսի սպի, ինչպես այս անցքերը: Եվ կարևոր չէ, թե քանի անգամ  ներողություն կխնդրես, սպին կմնա:

Նյութի ռուսերեն տարբերակ

Թարգմանությունը՝  Մարինե Ասատրյանի

 

Ամերիկայի քաղաքացիությունը

Մի անգլիացի փոխեց քաղաքացիությունը, դարձավ ամերիկացի: Մտահոգ բարեկամները չէին հասկանում նրա որոշումը:

Մի անգամ, մի բաց խոսակցության  ժամանակ նրան հարցրեցին.

— Եվ այնուամենայնիվ, քեզ ի՞նչ տվեց Ամերիկայի անձնագիրը:

Փախստականը պատասխանեց.

— Ի վերջո, ինչ-որ բան այն ինձ տվեց: Հիմա ես կարող եմ ասել, որ հաղթեցի Ամերիկայի հեղափոխության ժամանակ:

Թարգմանությունը՝  Մարինե Ասատրյանի

 

Սպանելու սովորություն

Մի անգամ երեխան գալիս է ծեր հնդիկի մոտ և  հարցնում է.

— Ա՛յ իմաստուն, ասացեք խնդրեմ,  Երկրի վրա ինչու՞ գոյություն ունեն պատերազմներ:

— Որովհետև մարդիկ սովորել են սպանել:

— Իսկ ինչու՞ են մարդիկ   սպանում:

— Երբ մարդը սպանում է միջատին, նրան թվում է, որ ինքն ուժեղ է ուրիշներից: Մտածում է, որ կարող է խլել կյանքը՝ առանց պատժվելու: Իսկ երբ մարդը սպանում է կենդանիներին, նա սկսում է մտածել, որ բոլորից  ուժեղ է, և նշանակում է, որ կարող է ցավ պատճառել նաև մարդկանց:   Մեր նախնիների ավանդույթի համաձայն՝ ինչ-որ ժամանակ երկրագնդի վրա պատերազմներ չեն եղել, քանի որ բոլորը սնվել են բուսակեր դինոզավրերի նման՝ ծառերի պտուղներով կամ կանաչով: Առաջ մարդիկ կարեկցել են ամբողջ կենդանի բնությանը. մարդիկ տեսնում էին Աստծուն  ամեն մասնիկի մեջ, կենդանիները լսում էին մարդկանց և երբեք չէին հարձակվում նրանց վրա: Читать далее

Նյարդային երեխան

Փոքրիկ աղջիկը մայրիկի հետ եկավ ծովի ափ:
—  Մայրի՛կ ,կարո՞ղ եմ  խաղալ ավազի մեջ:
—  Ո՛չ,  թանկագի՛նս, դու կկեղտոտես քո մաքուր շորերը:
—  Մայրի՛կ, կլինի՞ ես վազեմ ջրերի միջով:
—  Ո՛չ, դու կթրջվես և կհիվանդանաս:
—  Մայրի՛կ, կարո՞ղ եմ խաղալ մյուս երեխաների հետ:
—  Ո՛չ, դու կկորես ամբոխի մեջ:
—  Մայրի՛կ, գնի՛ր ինձ համար պաղպաղակ:
—  Ո՛չ, դու կսառեցնես կոկորդդ:

Աղջիկը սկսեց լացե լինել: Մայրը շրջվեց  դեպի ոչ հեռու կանգնած կնոջ կողմը և ասաց.
—  Օ՜հ, աստված իմ:Դուք երբևէ տեսե՞լ եք այսպիսի նյարդային երեխա:

Թարգմանությունը՝  Մարինե Ասատրյանի

 

Ոչ ոք ինձ չի սիրում

Փողոցում կանգնել էր մի կին և լաց էր լինում: Մոտով անցավ մի տղա: Նա խղճաց կնոջը, մոտեցավ նրան և ասաց.

— Տիկի՛ն, ինչո՞ւ եք լաց լինում:

Կինը միայն ուսերը թափ տվեց:

— Օ՜յ, տղա՛, դու ինձ չես հասկանա…

Տղան մեկ անգամ ևս հարցրեց.

-Տիկի՛ն, բայց ինչո՞ւ եք լաց լինում:

Կինը լացեց և լացակումած ասաց.

— Օ՜յ, տղա, ոչ ոք ինձ չի սիրում, ոչ ոքի ես պետք չեմ…

Տղան նայեց նրան և հարցրեց.

— Տիկի՛ն, իսկ դուք բոլորի՞ն եք հարցրել:

Նյութի ռուսերեն տարբերակ


Թարգմանությունը՝  Անի Գևորգյանի

Տնօրենը և քարտուղարուհին

Տնօրենը դիմեց քարտուղարուհուն.

— Դու հոգնած տեսք ունես.ի՞նչ է պատահել:

— Հասկանո՞ւմ եք, ես… Ո՛չ, դուք չեք հավատա,եթե ես ասեմ:

— Իհարկե կհավատամ:

— Ո՛չ, չեք հավատա: Ես գիտեմ, որ չեք հավատա:

— Կհավատամ, կհավատամ: Ես խոստանում եմ:

— Ես այսօր շատ եմ աշխատել:

— Չեմ հավատում:

Նյութի ռուսերեն տարբերակը


Թարգմանությունը՝ Ռաիսա Խաչատուրովայի

Չուղարկված նամակներ

 

Երկու տարի անց, բաժանումից հետո տղամարդը որոշեց հանդիպել նախկին կնոջ  հետ: Նա հրավիրեց նրան ռեստորան: Նրանք անցկացրեցին անմոռանալի երեկո: Զգացվում էր, որ նրանք կարոտել էին իրար :

Նախքան ռեստորանից դուրս գալը՝ կինը հանեց իր պայուսակից մի հաստ ծրար և մեկնեց ամուսնուն:

-Սա ի՞նչ է,-հարցրեց ամուսինը:

—  Նամակներ են, որ ես գրել եմ քեզ այս երկու տարիների ընթացքում, բայց չեմ ուղարկել իմ համառության պատճառով:

Թարգմանությունը՝ Մարինե Ասատրյանի

Նյութի ռուսերեն տաբերակը